E Državaki revizorsko službaki buti

E Državaki revizorsko služba isila jekh važno funkcija

E Državaki revizorsko služba isila jekh posebno ustavno položaj sose amen proverina sarine kola isiljen izvršno vlast. Amen hijam nezavisna telo parlamenti hem nezavisna premalo okola kas proverina.

E Državaki revizorsko služba isila trin šerutne buča:

• Beršesi revizija
• Efektivno revizija
• Internacionalno razvojno saradnja

E Državaki revizorsko služba isila hem buti sar jekh nacionalno revizorsko organi te buvljari o džanibe ando e Državaki revizorsko službaki uloga ama hem te predstavini i Švedska ko internacionalna buča.

Adžahar so čera hem efektivno revizija ama hem beršesi revizija amen čera jekh proveribe o celo državako sistemi. Odoljeja hem doprinosina te kontrolišini pe i parlamentarno vlast ama hem te zorjačeri pe e državake institucije hem i demokratija sar ki Švedska adžahar hem ko phuvja koljencar isimen razvojno saradnja.

Efektivno revizija

I Efektivno revizija proverini o odnos maškaro e državako budžeti, sar implementirinena pe o buča hem e državake institucijengo rezultati. I provera ka anel dži ko razvoj kova i država, e narodose šukaripase, čerela jekh efektivno ulavibe ando poklo uložibe.

Beršesi revizija

E beršesi revizija proverini e institucijengo beršeso izveštaj, koja isila sar cilje te dikhel pe da lji tano sa čerdo premalo smernice, hem da lji dela pe jekh jasno slika, ama hem dikha da lji o trošija pe sar so phena o smernice hem o zakonija kola andže pe.

Internacionalno razvojno saradnja

I Internacionalno razvojno saradnja čerela pe premalo odova so o parlamenti odlučija. I svrha tani te podržini pe o razvoj ando nezavisna profesionalna revizorska organija, te zorajačeri pe i demokratija hem zorjari pe i kontrola ando parlamentarno vlast.

E Državaki revizorsko služba šaj hem te dobini buti sar eksterno revizori ko internacionalna organizacije.